ແຜນການເຂົ້າຮ່ວມຂອງຜູ້ມີສ່ວນຮ່ວມ (SEP) ສະບັບນີ້
ແມ່ນສໍາາລັບໂຄງການທັກສະບູລິມະສິດ ສໍາລັບການເຕີບໂຕ ຂອງສປປ ລາວ. ຈຸດປະສົງຂອງໂຄງການແມ່ນເພື່ອເພີ້ມ
ແລະປັບປຸງການມີທັກສະທີ່ແທດເໝາະກັບຄວາມຕ້ອງການຂອງຕະຫຼາດ ແລະເພື່ອໃຫ້ມີການກ້າວໄປສູ່ການມີວຽກເຮັດຢ່າງປະສົບຜົນສໍາລັບ
ຢູ່ ສປປ ລາວ, ແລະໃນກໍລະນີ ຂອງວິກິດການ ຫຼື ເຫດການສຸກເສິນ ທີ່ບັນລຸໄດ້ຕາມເງື່ອນໄຂ, ຈະມີການຕອບໂຕ້ຢ່າງທັນການ
ແລະມີປະສິດທິຜົນ. ຂອບເຂດປົກຄຸມຂອງໂຄງການແມ່ນທົ່ວປະເທດ, ຍ້ອນຈຸດສຸມຂອງມັນແມ່ນ ການປະຕິຮູບລະບົບ.
ຈະມີການສະໜັບສະໜູນຊ່ວຍເຫຼືອສະຖາບັນສະເພາະແຫ່ງໜຶ່ງ (ສູນຫຼື ໂຮງຮຽນຝຶກອົບຮົມວິຊາຊີບ
(TVET), ສູນພັດທະນາທັກສະ (SDCs), ສູນຈັດຫາງານ ແລະອື່ນໆ) ໃນ 17 ແຂວງ ຊຶ່ງມີຈຸດສຸມໃສ່ເມືອງທີ່ທຸກຍາກທີ່ສຸດ, ແຜນ
SEP ສະບັບນີ້ ແມ່ນແຜນການຮ່ວມມງານກັບບັນດາຜູ້ມີສ່ວນຮ່ວມໃນວຽກງານໂຕຈິງ ຂອງກິດຈະກໍາພັດທະນາທັກສະ,
ແລະບັນດານັກສຶກສາ (ນັກສໍາມະນາກອນ), ຊາວໜູ່ມ ແມ່ນມີສ່ວນຮ່ວມໃນການຈັດຕັ້ງປະຕິບັດ ຢ່າງມີຄວາມໝາຍ,
ຮອບດ້ານ, ແບບມີການປຶກສາຫາລື ແລະເຮັດວຽກຮ່ວມກັນ ຕະຫຼອດຮອບວຽນຂອງໂຄງການ. ແຜນ SEP ແມ່ນຖືກອອກແບບໃຫ້ແທດເໝາະກັບຄຸນລັກສະນະ
ແລະຂະໜາດຂອງໂຄງການ ແລະຄວາມສ່ຽງ ແລະຜົນກະທົບ ທີ່ອາດເກີດຂຶ້ນ ຂອງໂຄງການ, ຊຶ່ງອາດເຫຼັກນ້ອຍ
ຍ້ອນສ່ວນໃຫ່ຍບໍ່ໄດ້ມີການກິດຈະກໍາການກໍ່ສ້າງ.
ເປັນໄປໄດ້ວ່າ ໂຄງການນີ້ ສ່ວນໃຫ່ຍຈະມີຜົນກະທົບດ້ານບວກ ແລະເປັນການເພີ້ມກາລະໂອກາດໃນການພັດທະນາທັກສະ ແລະການຈ້າງງານ. ຍ້ອນວ່າກິດຈະກໍາຕ່າງໆ ຂອງໂຄງການ ບໍ່ພຽງແຕ່ປັບປຸງດ້ານຄຸນນະພາບ ຂອງທັກສະດ້ານເຕັກນິກ ສໍາລັບໄວໜູ່ມ ແລະ/ຫຼື ຄົນໃນໄວອອກແຮງງານເທົ່ານັ້ນ ແຕ່ຍັງມີການສະໜອງທັກສະ ແລະຄວາມຮູ້ໃຫ້ແກ່ສູນຝຶກອົບຮົມຕ່າງໆ ໃນການສິດສອນ ແລະຄຸ້ມຄອງຢ່າງມີປະສິດທິຜົນ, ປັບປຸງສິ່ງອໍານວຍຄວາມສະດວກຂອງການຝຶກອົບຮົມ, ແລະ ສະໜອງກິດຈະກຳການສົ່ງເສີມການເຮັດທຸລະກິດສ່ວນຕົວ. ເຖິງແນວໃດກໍ່ຕາມ, ອາດມີຄວາມສ່ຽງ ແລະຜົນກະທົບທາງອ້ອມ ເໜື່ອງຈາກໂຄງການສະໜອງໃຫ້ແກ່ວຽກງານທີ່ເປັນລະບົບ ໃນລະບົບຄຸ້ມຄອງການສຶກສາ ແລະຊັບພະຍາກອນມະນຸດແຫ່ງຊາດ. ຄວາມສ່ຽງສ່ວນໃຫ່ຍທີ່ອາດເປັນໄປໄດ້ ຂອງກິດຈະກໍາຂອງໂຄງ ແມ່ນກິດຈະກໍາອາດບໍ່ສາມາດແກ້ໄຂຄວາມບໍ່ສະເໝີພາບດ້ານໂຄງສ້າງ ໃນການຮັບເອົາໄວໜຸ່ມ ແລະສົ່ງເສີມການມີສ່ວນຮ່ວມໄລຍະຍາວ ຂອງຊົນເຜົ່າ ແລະຊຸມຊົນໃນເຂດຫ່າງໄກຊອກຫຼິ້ກ. ຖ້າ ບໍ່ມີການເອົາໃຈໃສ່, ກິດຈະກໍາໂຄງການອາດເບິ່ງຂ້າມການປົກປ້ອງທາງສັງຄົມ ຄວາມສ່ຽງຕ່າງໆ ທີ່ພົວພັນກັບການໃຊ້ຄວາມຮຸນແຮງທາງເພດ ແລະທາງຮ່າງກາຍ ຕໍ່ແມ່ຍິງ ແລະໄວລຸ້ນ.
